(vovworld) - ຕອນບ່າຍວັນທີ 14/2, ຢູ່ຮ່າໂນ້ຍ, ໃນການຕ້ອນຮັບທ່ານ Mag Boyer Heinz, ປະທານມະຫາວິທະຍາໄລ Krems (ປະເທດໂອຕຣິດ), ທ່ານຮອງນາຍົກລັດຖະມົນຕີ ຫງວຽນທ້ຽນເຍິນ ໄດ້ຕີລາຄາສູງບັນດາການເຄື່ອນໄຫວຮ່ວມມືບຳລຸງສ້າງລະຫວ່າງຫວຽດນາມ ແລະ ໂອຕຣິດ ໃນໄລຍະຜ່ານມາ, ພິເສດແມ່ນການຮ່ວມມືບຳລຸງສ້າງລະຫວ່າງມະຫາວິທະຍາໄລການຄ້າຂອງຫວຽດນາມ ແລະ ມະຫາວິທະຍາໄລ Krems, ຫວັງວ່າ ໂອຕຣິດຈະສືບຕໍ່ຖ່າຍທອດເຕັກໂນໂລຢີການສິດສອນທີ່ທັນສະໄໝ, ສືບຕໍ່ໂຄງການນຳເອົາການສືກສາຂອງບັນດາມະຫາວິທະຍາໄລ ໂອຕຣິດ ມາຍັງຫວຽດນາມ. ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ຊົມເຊີຍຂໍ້ສະເໜີຮ່ວມມືຂອງມະຫາວິທະຍາໄລ Krems ແລະ ເຊື່ອໝັ້ນວ່າແນວຄວາມຄິດນີ້ຈະກາຍເປັນຄວາມຈິງໂດຍໄວ ເພື່ອຊຸກຍູ້ປະສິດທິຜົນການຮ່ວມມືດ້ານສຶກສາ - ບຳລຸງສ້າງດ້ວຍຄຸນນະພາບສູງລະຫວ່າງ 2 ປະເທດ.