ເກືອບ300ແວັບໄຊຂອງລັດຖະບານແລະສານໄທຖືກບຸກໂຈມຕີ
(ພາບປະກອບ)
(vovworld) – ເກືອບ 300 ແວັບໄຊຂອງລັດຖະບານ ແລະ ສານໄທ ຖືກແຮກເກີ ບຸກໂຈມຕີ ໃນວັນທີ 13/01. ບັນດາເປົ້າໝາຍບຸກໂຈມຕີທາງເຄືອຂ່າຍອີນເຕີແນດອ້າງຊື່ວ່າ ແມ່ນ “ກຸ່ມແຮກເກີຟ້າຜ່າ” ຍອມຮັບດຳເນີນການບຸກໂຈມຕີດັ່ງກ່າວ ເພື່ອແນໃສ່ໂຕ້ຕອບການຕັດສິນຂອງຝ່າຍໄທ ທີ່ປະຫານຊີວິດຊາວມຽນມາ 2 ຄົນ ຍ້ອນໂທດເຂັ່ນຂ້ານັກທ່ອງທ່ຽວອັງກິດ 2 ຄົນຢູ່ເກາະເຕົາ ທາງພາກໃຕ້ໄທ ປີ 2014. ໃນຖະແຫຼງການໜຶ່ງ, ກຸ່ມແຮກເກີ ໃຫ້ຮູ້ວ່າ, ຈະບຸກໂຈມຕີ “ແວັບໄຊທັງໝົດຂອງສານໄທ ຍ້ອນໄດ້ຕັດສິນລົງໂທດເຫດເຂັ່ນຂ້າຄົນຢູ່ເກາະເຕົາ”.
ກ່ອນໜ້ານັ້ນ, ໃນເດືອນ 12/2015, ສານໄທ ໄດ້ຕັດສິນລົງໂທດປະຫານຊີວິດສຳລັບພົນລະເມືອງມຽນມາ 2 ຄົນ ດ້ວຍໂທດກຳທີ່ວ່າ ໄດ້ເຂັ່ນຂ້ານັກທ່ອງທ່ຽວອັງກິດ 2 ຄົນຢູ່ເກາະເຕົາ. ຄຳຕັດສິນຂອງສານ ໄດ້ເຮັດໃຫ້ປະຊາຊົນມຽນມານັບຮ້ອຍຄົນ ຮຽກຮ້ອງອພນາດການປົກຄອງໄທ ຫຼຸດໂທດໃຫ້ 2 ຄົນດັ່ງກ່າວ.