(vovworld) – ມີວິສາຫະກິດ 49 ແຫ່ງໄດ້ຮັບການຍ້ອງຍໍໃນລາຍການ “ເຊີດຊູບັນດາວິສາຫະກິດເພື່ອຄົນງານ”, ໂດຍສະຫະພັນໃຫຍ່ແຮງງານຫວຽດນາມ ສົມທົບກັບກະຊວງແຮງງານ, ທະຫານເສຍອົງຄະ ແລະ ສັງຄົມ, ຫ້ອງການການຄ້າ ແລະ ອຸດສາຫະກຳ, ໜັງສືພິມແຮງງານຈັດຕັ້ງ ໃນຕອນເຊົ້າວັນທີ 27/12. ນີ້ແມ່ນບັນດາວິສາຫະກິດໄດ້ຮັບປະກັນວຽກເຮັດງານທຳ, ລາຍຮັບໃຫ້ຄົນງານໃນລະດັບປານກາງຂຶ້ນໄປ, ປະຕິບັດນະໂຍບາຍສຳລັບຜູ້ມີຄຸນງາມຄວາມດີເປັນຢ່າງດີ… ທ່ານຟ້າມມິງຮວນ, ລັດຖະມົນຕີຊ່ວຍວ່າການກະຊວງແຮງງານ, ທະຫານເສຍອົງຄະ ແລະ ສັງຄົມ ເນັ້ນໜັກວ່າ.
“ປະຊາຄົມວິສາຫະກິດຂອງຫວຽດນາມ ຈະສືບຕໍ່ເສີມຂະຫຍາຍມູນເຊື້ອອັນດີງາມ ທັງພັດທະນາເສດຖະກິດ, ທັງເອົາໃຈໃສ່ເຖິງສິດຜົນປະໂຫຍດຂອງຄົນງານ. ພວກຂ້າພະເຈົ້າກໍປາດຖະໜາວ່າ, ແຕ່ລະປີຈະມີວິສາຫະກິດນັບພັນແຫ່ງ ເອົາໃຈໃສ່ເຖິງສິດຜົນປະໂຫຍດຂອງປະຊາຊົນ ບົນພື້ນຖານຮັບປະກັນສິດຜົນປະໂຫຍດຂອງຄົນງານ, ຖືຄົນງານແມ່ນແຫຼ່ງກຳລັງສຳຄັນເພື່ອສ້າງລາຍຮັບ, ກຳໄລໃຫ້ວິສາຫະກິດເພື່ອພັດທະນາປະເທດຊາດ.”