(vovworld) - ເດືອນ 5 ໄດ້ກາຍເປັນເດືອນນອງເລືອດທີ່ສຸດຢູ່ ອີຣັກ, ນັບແຕ່ຕົ້ນປີມາຮອດປະຈຸບັນໄດ້ມີຜູ້ເສຍຊີວິດກ່ວາ 500 ຄົນຍ້ອນການໃຊ້ຄວາມຮຸນແຮງ. ນີ້ກໍ່ແມ່ນເດືອນທີ 2 ຢ່າງລຽນຕິດທີ່ຈຳນວນຜູ້ຖືກລົ້ມຫາຍຕາຍຈາກຢູ່ ອີຣັກ ໄດ້ຂຶ້ນເຖິງກ່ວາ 400 ຄົນ, ລວມຍອດຈຳນວນຜູ້ເສຍຊີວິດໃນ 2 ເດືອນຜ່ານມາຂຶ້ນເຖິງ 960 ຄົນ. ເປັນໜ້າສົນໃຈແມ່ນ, ການບຸກໂຈມຕີ ແລະ ວາງລະເບີດ ພວມມີທ່າເພີ່ມຂຶ້ນຢ່າງແຮງໃນຊຸມວັນມໍ່ໆມານີ້ ດ້ວຍຈຸດສຸມແມ່ນບັນດາການວາງລະເບີດເມື່ອວັນທີ 27/5 ເພືອເລັ່ງໃສ່ເຂດທີ່ມີຊາວອິດສະລາມ ນິກາຍ Shi’ite ດຳລົງຊີວິດ ຢູ່ນະຄອນຫຼວງ ແບກແດດ ເປັນຈຳນວນຫຼວງຫຼາຍເຮັດໃຫ້ມີຜູ້ເສຍຊີວິດ 58 ຄົນ ແລະ ຜູ້ຖືກບາດເຈັບ 187 ຄົນ. ຕໍ່ໜ້າສະພາບການດັ່ງກ່າວ, ທູດພິເສດຂອງສະຫະປະຊາຊາດ ຢູ່ ອີຣັກ ທ່ານ Martin Kobler ອີກຄັ້ງໜຶ່ງໄດ້ກະຕຸກຊຸກຍູ້ບັນດາການນຳ ອີຣັກ ຍູ້ໄວວິວັດການໂອ້ລົມສົນທະນາເພື່ອແນໃສ່ຢຸດຕິວິກິດການການເມືອງທີ່ແກ່ຍາວໃນຫຼາຍເດືອນຜ່ານມາ. ທ່ານ Kobler ເນັ້ນໜັກວ່າ: ບັນດາການນຳ ອີຣັກ ຕ້ອງມີຄວາມຮັບຜິດຊອບຕໍ່ຊີວິດອິນຊີຂອງສາມັນຊົນ ແລະ ມີການເຄື່ອນໄຫວລະອຽດຕ່າງໆໂດຍໄວເພື່ອແກ້ໄຂສະພາບວິກິດການການເມືອງ.