(VOV) - ຕອນຄ່ຳວັນທີ 9/12 ຢູ່ ນະຄອນ Pleiku ແຂວງ ຢາລາຍ ໄດ້ດຳເນີນພິທີເປີດສະຫລອງອະນຸສາວະລີປະທານໂຮ່ຈິມິນ ກັບບັນດາເຜົ່າຢູ່ໄຕງວຽນ. ກ່າວຄຳເຫັນນະພິທີ, ທ່ານ ຫງວຽນຟູຈ້ອງ ເລຂາທິການໃຫຍ່ພັກກອມມູນິດຫວຽດນາມ ໄດ້ເນັ້ນຫນັກວ່າ: ໃນຄາວຍັງມີຊີວິດ, ທ່ານປະທານໂຮ່ຈິມິນ ບໍ່ທັນມີເງື່ອນໄຂໄປຢ້ຽມຢາມເຂດໄຕງວຽນ, ແຕ່ໃນດວງໃຈຂອງເພີ່ນ ຍາມໃດກໍ່ຄິດຮອດຄິດເຖິງ, ຮັກແພງປະຊາຊົນບັນດາເຜົ່າຢູ່ເຂດ ໄຕງວຽນ. ສຳລັບ ປະຊາຊົນບັນດາເຜົ່າຢູ່ເຂດ ໄຕງວຽນ, ປະທານໂຮ່ຈິມິນ ແມ່ນທວນໄຟ ເຍືອງທາງບອກທິດເພື່ອໃຫ້ເຂດໄຕງວຽນ ພ້ອມກັບທົ່ວປະເທດຜ່ານຜ່າຄວາມຫຍຸ້ງຍາກ ຍາດຄວາມເອກະລາດເສລິພາບ ແລະ ມີຊີວິດອີ່ມໜຳສຳລານສົມບູນພູນສຸກຄືທຸກວັນນີ້. ທ່ານເລຂາທິການໃຫຍ່ ຫງວຽນຟູຈ້ອງ ເນັ້ນຫນັກວ່າ:
“ຂ້າພະເຈົ້າປາດຖະຫນາວ່າ, ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ຢາລາຍ ຈະປະຕິບັດວຽກງານຄຸ້ມຄອງ, ຮັກສາ ແລະ ຂຸດຄົ້ນກິດຈະກຳດັ່ງກ່າວຢ່າງມີປະສິດທິຜົນ, ປະກອບສ່ວນສຶກສາມູນເຊື້ອປະຕິວັດຂອງພັກ, ຂອງປະເທດຊາດ. ພວກເຮົາໝັ້ນໝາຍຈະປະຕິບັດຕາມແບບຢ່າງປະທານໂຮ່ຈິມິນ ສູ້ຊົນສ້າງສາປະເທດ ຫວຽດນາມ ໃຫ້ຮັ່ງມີ, ເຂັ້ມແຂງ, ປະຊາທິປະໄຕ, ມີຄວາມຍຸຕິທຳ ແລະ ສີວິໄລ.”