ພາບປະກອບ: TTXVN

ຕາມຕົວເລກສະຖິຕິຫຼ້າສຸດຂອງກົມໃຫຍ່ພາສີອາກອນແລ້ວ, ວົງເງິນການສົ່ງອອກຂົງເຂດຕຳແຜ່ນຕັດຫຍິບໃນເດືອນກໍລະກົດບັນລຸເກືອບ 4,3 ຕື້ USD, ເພີ່ມຂຶ້ນກ່ວາ 12% ເມື່ອທຽບໃສ່ໄລຍະດຽວກັນຂອງປີ 2024. ນີ້ແມ່ນເດືອນທຳອິດໃນປີ ມີວົງເງິນການສົ່ງອອກໃນຂົງເຂດຕຳແຜ່ນຕັດຫຍິບລື່ນກາຍຕົວເລກ 4 ຕື້ USD ແລະ ກໍ່ເປັນເດືອນທີ່ມີວົງເງິນສົ່ງອອກສູງທີ່ສຸດນັບແຕ່ເດືອນສິງຫາ ປີ 2022.

ຍອດວົງເງິນການສົ່ງອອກຂອງຂະແໜງຕຳແຜ່ນຕັດຫຍິບ ໃນ 7 ເດືອນຕົ້ນປີ ບັນລຸເກືອບ 24 ຕື້ USD, ເພີ່ມຂຶ້ນເກືອບ 6% ເມື່ອທຽບໃສ່ໄລຍະດຽວກັນຂອງປີ 2023. ປັດຈຸບັນ ຫວຽດນາມ ສົ່ງອອກສິນຄ້າຕຳແຜ່ນຕັດຫຍິບໄປຍັງ 113 ປະເທດ ແລະ ເຂດແຄ້ວນ, ໃນນັ້ນ, ຕະຫຼາດຕົ້ນຕໍຍັງແມ່ນ ອາເມລິກາ, ສະຫະພາບເອີລົບ (EU), ຍີ່ປຸ່ນ, ສ.ເກົາຫຼີ, ຈີນ.

ນັບແຕ່ປັດຈຸບັນຈົນຮອດທ້າຍປີ ແມ່ນລະດູຈຸດສຸມໃນການຊື້ເຄື່ອງ. ບັນດາວິສາຫະກິດພວມມານະພະຍາຍາມ ຍົກອອກຫຼາຍຜະລິດຕະພັນໃໝ່ກ່ຽວກັບວັດຖຸດິບ, ຮູບແບບເພື່ອຕອບສະໜອງບັນດາມາດຖານທີ່ເຂັ້ມງວດ ຂອງຄູ່ຮ່ວມມືເພື່ອບັນລຸໄດ້ການສົ່ງອອກຂອງຂະແໜງແມ່ນ 44 ຕື້ USD ໃນປີ 2024.