ເພີ່ມທະວີການພົວພັນດ້ານການ ປ້ອງກັນຊາດຫວຽດນາມ-ອົດສະຕະລີ
ທ່ານຟຸ່ງກວາງແທງ ແລະ ທ່ານ Stephent Smith
(ພາບ: truongtansang.net)
(vovworld)- ໂດຍໄດ້ຮັບຄຳເຊີນຂອງທ່ານລັດຖະມົນຕີກະຊວງປ້ອງກັນປະເທດອົດສະຕາລີ Stephent Smith, ຄະນະຜູ້ແທນການທະຫານຂັ້ນສູງຫວຽດນາມ ໂດຍທ່ານພົນເອກຟຸ່ງກວາງແທງ, ລັດຖະມົນຕີກະຊວງປ້ອງກັນປະເທດຫວຽດນາມ ນຳໜ້າ ໄດ້ໄປຢ້ຽມຢາມສັນຖະວະໄມຕີອົດສະຕາລີ ຢ່າງເປັນທາງການແຕ່ວັນທີ 15-20/3. ໃນການຢ້ຽມຢາມຄັ້ງນີ້ຂອງທ່ານລັດຖະມົນຕີກະຊວງປ້ອງກັນປະເທດຫວຽດນາມ ຟຸ່ງກວາງແທງ, ຫວຽດນາມ ແລະ ອົດສະຕາລີ ຈະພ້ອມກັນຕີລາຄາການພົວພັນປ້ອງກັນຊາດສອງຝ່າຍໃນໄລຍະຜ່ານມາ, ປຶກສາຫາລືມາດຕະການສືບຕໍ່ຊຸກຍູ້ການພົວພັນປ້ອງກັນຊາດລະຫວ່າງສອງປະເທດໃນໄລຍະຈະມາເຖິງ, ມຸ້ງໄປເຖິງຈຸດໝາຍເພີ່ມທະວີການພົວພັນມິດຕະພາບ, ຄວາມເຂົ້າອົກເຂົ້າໃຈ, ໄວ້ເນື້ອເຊື່ອໃຈລະຫວ່າງກອງທັບສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາໃນພາກພື້ນ ແລະ ທົ່ວໂລກ. ທ່ານລັດຖະມົນຕີກະຊວງປ້ອງກັນປະເທດຫວຽດນາມ ຟຸ່ງກວາງແທງ ຈະໄປຢ້ຽມຢາມຖານທີ່ໝັ້ນທະຫານເຮືອຈຳນວນໜຶ່ງ, ພົບປະເຈຈາກັບທ່ານລັດຖະມົນຕີກະຊວງປ້ອງກັນປະເທດອົດສະຕາລີ Stephent Smith ແລະ ເຂົ້າຮ່ວມການປະຊຸມຂ່າວຮ່ວມຢຸ່ Cabera.