ເພີ່ມທະວີການຮ່ວມມືບັນດານັກທຸລະກິດຍິງຫວຽດນາມແລະລາວ
ພາບປະກອບ
(vovworld) – ກອງປະຊຸມພົວພັນການຄ້າເຊື່ອມຕໍ່ດຳເນີນທຸລະກິດລະຫວ່າງນັກທຸລະກິດຍິງ ຮ່າໂນ້ຍ ແລະ ນັກທຸລະກິດຍິງ ລາວ ຖືກຈັດຂຶ້ນໃນຕອນເຊົ້າວັນທີ 4/7 ຢູ່ນະຄອນຫຼວງ ວຽງຈັນ. ກອງປະຊຸມແມ່ນໂອກາດເພື່ອໃຫ້ບັນດານັກທຸລະກິດຍິງ ຫວຽດນາມ ແລະ ລາວ ສຳພັດກັບຕະຫຼາດ, ຊອກຫາຄູ່ຮ່ວມມື ແລະ ເປີດກ້ວາງການດຳເນີນທຸລະກິດ. ທີ່ກອງປະຊຸມ, 2 ຝ່າຍແລກປ່ຽນບົດຮຽນກ່ຽວກັບການຄຸ້ມຄອງວິສາຫະກິດ, ແນະນຳບັນດາທ່າແຮງກໍ່ຄືຂໍ້ສະກັດຂອງວິສາຫະກິດຂອງຕົນ. ບົນພື້ນຖານນັ້ນ, ຊອກຫາຄູ່ຮ່ວມມືເຊັນບັນດາສັນຍາຮ່ວມມືດຳເນີນທຸລະກິດ, ພັດທະນາຕະຫຼາດ. ບົນຈິດໃຈຮ່ວມມືມິດຕະພາບ, ບັນດານັກທຸລະກິດຍິງ 2 ປະເທດໄດ້ຍົກອອກບັນດາສິ່ງສະດວກ ແລະ ຄວາມຫຍຸ້ງຍາກໃນໄລຍະເຊື່ອມໂຍງເຂົ້າກັບປະຊາຄົມເສດຖະກິດ ອາຊຽນ ໃນປີ 2015 ຈະມາເຖິງ, ຄຽງຂ້າງນັ້ນ, 2 ຝ່າຍກໍ່ໄດ້ວາງອອກແຜນການຮ່ວມມືຮອດປີ 2015, ວິໄສທັດປີ 2020 ກາຍເປັນບັນດາຄູ່ຮ່ວມມືທີ່ໜ້າໄວ້ເນື້ອເຊື່ອໃຈ.