ພົນເອກ Harukazu Saito ແລະ ພົນໂທ ໂດ໋ບ໋າຕິ
|
(vovworld) – ຕອນບ່າຍວັນທີ 25/5, ຢູ່ຮ່າໂນ້ຍ, ພົນໂທ ໂດ໋ບ໋າຕິ, ຫົວຫນ້າເສນາທິການໃຫຍ່ກອງທັບປະຊາຊົນ ຫວຽດນາມ ໄດ້ໃຫ້ການຕ້ອນຮັບພົນເອກ Harukazu Saito, ເສນາທິການໃຫຍ່ກຳລັງປ້ອງກັນທາງອາກາດ ຍີ່ປຸ່ນ ທີ່ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ພົນໂທ ໂດ໋ບ໋າຕິ, ຢັ້ງຢືນວ່າກະຊວງປ້ອງກັນປະເທດ ຫວຽດນາມ ຍາມໃດກໍ່ສະໜັບສະໜູນ ແລະ ພ້ອມແລ້ວຈະສ້າງທຸກເງື່ອນໄຂສະດວກເພື່ອໃຫ້ກຳລັງປ້ອງກັນອາກາດ 2 ປະເທດປະຕິບັດບັນດາເນື້ອໃນເຊິ່ງໄດ້ເປັນເອກະສັນນຳກັນຢ່າງຄົບຖ້ວນ ແລະ ມີປະສິດທິຜົນ. ພົນໂທ ໂດ໋ບ໋າຕິ ຖືວ່າ: ໄລຍະຈະມາເຖິງ, ກຳລັງປ້ອງກັນອາກາດ 2 ປະເທດ ຄວນເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ໃນນັ້ນມີການພົວພັນແລກປ່ຽນບັນດານາຍທະຫານໜຸ່ມ, ແລກປ່ຽນບົດຮຽນກ່ຽວກັບຄວາມປອດໄພທາງການບິນ, ພິເສດແມ່ນບົດຮຽນໃນການບິນຂອງກອງທັບອາກາດ, ກອງທັບເຮືອເສນາຮັກທາງອາກາດ, ແບ່ງປັນບົດຮຽນໃນວຽກງານຮັບມື ແລະ ແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ, ກູ້ໄພກູ້ຊີບ.