ເລຂາທິການໃຫຍ່ຫງວຽນຟູ໋ຈ້ອງຕ້ອນຮັບປະທານສະມາຄົມມິດຕະພາບພົວພັນຕ່າງປະເທດປະຊາຊົນຈີນ
|
(vovworld) – ໃນຂອບເຂດການຢ້ຽມຢາມ ສປ ຈີນ ຢ່າງເປັນທາງການ, ຕອນເຊົ້າວັນທີ 13/1, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ໄດ້ເປັນສັກຂີພິຍານພິທີປະດັບຫຼຽນໄຊມິດຕະພາບ, ເຊິ່ງແມ່ນຂອງຂວັນອັນສູງສົ່ງຂອງພັກ, ລັດ ຫວຽດນາມ ມອບໃຫ້ທ່ານນາງ ຫຼີແສວຫຼີງ, ປະທານສະມາຄົມມິດຕະພາບພົວພັນຕ່າງປະເທດ ປະຊາຊົນຈີນ.
ຈາກນັ້ນ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຕ້ອນຮັບຄະນະຜູ້ແທນສະມາຄົມມິດຕະພາບພົວພັນຕ່າງປະເທດປະຊາຊົນ ຈີນ ແລະ ສະມາຄົມມິດຕະພາບ ຈີນ - ຫວຽດນາມ ໂດຍທ່ານນາງ ຫຼີແສວຫຼີງ ນຳໜ້າ. ນະທີ່ນີ້, ທ່ານເລຂາທິການໃຫຍ່ ຫງວຽນຟູ໋ຈ້ອງ ຕີລາຄາສູງສະມາຄົມໃນໄລຍະຜ່ານມາ, ດ້ວຍການເຄື່ອນໄຫວຫຼາຍຮູບຫຼາຍແບບ, ອຸດົມສົມບູນ, ປະກອບສ່ວນຕັ້ງໜ້າ ແລະ ມີປະສິດທິຜົນໃຫ້ແກ່ການພົວພັນມິດຕະພາບລະຫວ່າງປະຊາຊົນ 2 ປະເທດ.
ສ່ວນທ່ານນາງ ຫຼີແສວຫຼີງ ໄດ້ສະແດງຄວາມເປັນກຽດທີ່ໄດ້ຮັບຫຼຽນໄຊມິດຕະພາບ , ພ້ອມທັງຂອບອົກຂອບໃຈບັນດາສະມາຊິກຂອງສະມາຄົມມິດຕະພາບພົວພັນຕ່າງປະເທດປະຊາຊົນ ຈີນ ແລະ ສະມາຄົມມິດຕະພາບ ຈີນ - ຫວຽດນາມ ມີການປະກອບສ່ວນໃນການພົວພັນມິດຕະພາບລະຫວ່າງ 2 ປະເທດໃນຊຸມປີຜ່ານມາ.