ພິທີໄຫວ້ບູຊາພະແກ້ວມໍລະກົດພະພຸດທະຮູບສັນຕິພາບໂລກ |
(vovworld)- ພິທີໄຫວ້ບູຊາພະແກ້ວມໍລະກົດພະພຸດທະຮູບສັນຕິພາບໂລກ ໄດ້ຖືກໄຂຂຶ້ນຢູ່ແຂວງຊອກຈັງແຕ່ວັນທີ 7ຫາວັນທີ 13/1/2017. ໃນຊວງເວລາດຳເນີນພິທີກຳ, ຊາວພຸດມາກຈາກທຸກແຫ່ງ ແລະ ແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດໄດ້ພາກັນມາໄຫວ້ບູຊາ, ຮັບຊົມການສະແດງສິລະປະ, ຮັບຟັງທຳມະເທດສະໜາ ແລະ ເຂົ້າຮ່ວມພິທີພາວະນາໃຫ້ປະເທດຊາດມີສັນຕິພາບ, ປະຊາຊົນຢູ່ເຢັນເປັນສຸກ.
ພະແກ້ວມໍລະກົດພະພຸດທະຮູບສັນຕິພາບໂລກ ມີລວງສູງ 2,7 ແມັດ, ມີນ້ຳໜັກ 4 ໂຕນແມ່ນຮູບປັ້ນເຮັດດ້ວຍແກ້ວມໍລະກົດໂດຍບັນດານັກສິລະປະການໄທແກະຄວັດສະຫຼັກ. ພາຍຫຼັງ ແກະຄວັດສະຫຼັກພະພຸດທະຮູບສຳເລັດ, ກໍຈະຖືກສົ່ງໄປ 20 ກວ່າປະເທດເພື່ອໃຫ້ຊາວພຸດທຳພິທີບູຊາ. ຢູ່ຫວຽດນາມ ໃນປີ 2009, ພະແກ້ວມໍລະກົດພະພຸດທະຮູບກໍໄດ້ຖືກສົ່ງມານະຄອນດານັ້ງ, ແຂວງບາເຣ້ຍວຸ້ງເຕົາ, ນະຄອນໂຮ່ຈິມິນ, ແຂວງດົງທາບ, ບັກນິງ ອັນໄດ້ດຶງດູດປະຊາຊົນນັບລ້ານຄົນມາເຄົາລົບບູຊາ.