ງານບຸນໃນສັບປະດາວັດທະນະທຳທ່ອງທ່ຽວດັກນົງ
ພາບ:vtv
|
(vovworld)- ຕອນຄຳ່ວັນທີ 23/7, ຢູ່ເຂດທ່ອງທ່ຽວ ລຽງນູງ ຕາແສງ ດັກເນຍ ເທດສະບານ ຢາເຫງ້ຍ, ຄະນະກຳມະການປະຊາຊົນແຂວງ ດັກນົງ ໄດ້ດຳເນີນພິທີໄຂສັບປະດາວັດທະນະທຳ ທ່ອງທ່ຽວ ດ້ວຍຫົວເລື່ອງວ່າ: ຄົ້ນຫາເຂດພູພຽງ M’nong. ນີ້ແມ່ນການເຄື່ອນໄຫວຕອບສະຫນອງປີທ່ອງທ່ຽວແຫ່ງຊາດປີ 2014 ໄຕງວຽນ-ດາລາດ. ພາຍຫລັງພິທີໄຂ, ນັກສິລະປິນ ແລະ ນັກສິລະປະການເກືອບ 200 ຄົນ ໄດ້ສະແດງ ບັນດາລາຍການສິລະປະ, ລ່ັນຄ້ອງ, ຮ້ອງລຳທຳເພງພື້ນເມືອງຂອງຊາວເຜົ່າ M’nong ອັນໄດ້ດຶງດູດນັກທ່ອງທ່ຽວເຂົ້າຊົມເປັນຈຳນວນຫລວງຫລາຍ. ນາງ ລວນທິກຽວ, ນັກທ່ອງທ່ຽວມາຈາກແຂວງ ກວ໋າງນີງ ໃຫ້ຮູ້ວ່າ:
“ຂ້າພະເຈົ້າແມ່ນນັກທ່ອງທ່ຽວມາຈາກພາກເຫນືອ ແລະ ເປັນຄັ້ງທຳອິດຂ້າພະເຈົ້າໄດ້ເຂົ້າຮ່ວມງານບຸນປະເພນີຂອງຊາວເຜົ່າ ໄຕງວຽນ ທີ່ປະທັບໃຈ ແລະ ເປັນເອກະລັກສະເພາະ. ຂ້າພະເຈົ້າປາດຖະຫນາວ່າ ບັນດາງານບຸນຄືແນວນີ້ ຈະສືບຕໍ່ໄດ້ຮັບການຮັກສາ ແລະ ເສີມຂະຫຍາຍສີສັນວັດທະນະທຳຂອງຊາວເຜົ່າໄຕງວຽນ ແລະ ສ້າງຄວາມສາມັກຄີລະຫວ່າງບັນດາເຜົ່າ.”