ບັນດາຜູ້ນຳພັກ, ລັດຫວຽດນາມເຂົ້າຮ່ວມກອງປະຊຸມ
(ພາບ: QDND)
|
(Vovworld)- ຕອນເຊົ້າວັນທີ 24/8, ຢູ່ຮ່າໂນ້ຍ, 150 ໝູ່ຄະນະ, ສ່ວນບຸກຄົນໃນ ທົ່ວກອງທັບ ຊຶ່ງເປັນຕົວແທນໃຫ້ເກືອບ 3000 ບຸກຄົນຕົວແບບກ້າວໜ້າຮ່ຳຮຽນ ແລະ ເຮັດຕາມແບບຢ່າງຄຸນສົມບັດປະທານໂຮ່ຈິມິນໄດ້ເຂົ້າຮ່ວມກອງປະຊຸມ ຕົວແບບກ້າວໜ້າທົ່ວກອງທັບຮ່ຳຮຽນ ແລະ ເຮັດຕາມແບບຢ່າງຄຸນສົມບັດປະທານໂຮ່ຈິມິນ ໂດຍກະຊວງປ້ອງກັນປະເທດຈັດຕັ້ງ. ໃນສູນທອນພົດກ່າວໄຂກອງປະຊຸມ, ທ່ານພົນເອກ ຟຸ່ງກວາງແທງ ລັດຖະມົນຕີກະຊວງປ້ອງກັນປະເທດຫວຽດນາມໃຫ້ຮູ້ວ່າ ພາຍຫຼັງ 2 ປີແຫ່ງການປະຕິບັດຄຳສັ່ງເລກທີ 03 ຂອງກົມການເມືອງ, ບັນດາກົມກອງໃນທົ່ວກອງທັບ ໄດ້ດຳເນີນຜັນຂະຫຍາຍຢ່າງກ້ວາງຂວາງ ແລະ ນຳບັ້ນຂົນຂວາຍກາຍເປັນວຽກງານປະຈຳ, ຕໍ່ເນື່ອງຂອງພະນັກງານສະມາຊິກພັກ, ມະຫາຊົນໃນທົ່ວກອງທັບ, ຜ່ານນັ້ນກໍ່ສ້າງກອງທັບໃຫ້ໝັ້ນຄົງເຂັ້ມແຂງ, ກຽມພ້ອມຮັບ ແລະ ເຮັດຫຼ້ອນໜ້າທີ່ພັກ, ລັດໄດ້ມອບໝາຍຢ່າງມີໄຊ. ກ່າວຄຳເຫັນທີ່ກອງປະຊຸມ, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງຊີ້ແຈ້ງວ່າ ກອງປະຊຸມຄັ້ງນີ້ ແມ່ນເຫດການທີ່ມີຄວາມໝາຍສຳຄັນທີ່ມີຕໍ່ກອງທັບ ແນໃສ່ຍ້ອງຍໍຊົມເຊີຍ ແລະ ເຊີດຊູບັນດາໝູ່ຄະນະ, ສ່ວນບຸກຄົນທີ່ກ້າວໜ້າດີເດັ່ນໃນຖັນແຖວກອງທັບໃນການຮ່ຳຮຽນ ແລະ ເຮັດຕາມແບຢ່າງ ຄຸນສົມບັດປະທານໂຮ່ຈິມິນ. ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ເນັ້ນໜັກວ່າ (ເທບ)
“ ການສ້າງ ແລະ ທະວີຄູນຮູບແບບຕົວເດັ່ນທີ່ກ້າວໜ້າໃນການຮ່ຳຮຽນ ແລະ ເຮັດຕາມແບຢ່າງຄຸນສົມບັດປະທານໂຮ່ຈິມິນ ບໍ່ພຽງແຕ່ມີຄວາມໝາຍລະດົມໃຈ, ເຊີດຊູແບບຢ່າງວຽກດີຄົນເດັ່ນເທົ່ານັ້ນ, ຫາກຍັງແມ່ນມາດຕະການຈັດຕັ້ງປະຕິບັດ ຮັບປະກັນໃຫ້ ຄຳສັ່ງເລກທີ 03 ຂອງກົມການເມືອງເຂົ້າສູ່ຊີວິດຕົວຈິງອີກດ້ວຍ. ກອງທັບຕ້ອງປະຕິບັດວຽກງານໂຄສະນາ, ສຶກສາອົບຮົມໃຫ້ດີກ່ວາ, ເພື່ອໃຫ້ພະນັກງານນັກຮົບ ຮັບຮູ້ຢ່າງຖືກຕ້ອງກ່ຽວກັບຄວາມໝາຍຂອງການສ້າງ ແລະ ທະວີຄູນຮູບແບບຕົວເດັ່ນທີ່ກ້າວໜ້າ ຕິດພັນກັບບັນດາຂະບວນການບັ້ນຂົນຂວາຍຕ່າງໆໃນແຕ່ລະອົງການ, ກົມກອງ. ຜ່ານການຈັດຕັ້ງການເຄື່ອນໄຫວ, ຄວນຄົ້ນພົບ, ເປັນເຈົ້າການດັດປັບບັນດາຄວາມຮັບຮູ້ທີ່ຜິດພາດ, ການກະທຳທີ່ ບໍ່ດີຢ່າງທັນການ, ທັງນີ້ກໍເພື່ອເຮັດໃຫ້ການຮ່ຳຮຽນ ແລະ ເຮັດຕາມແບຢ່າງຄຸນສົມບັດປະທານໂຮ່ຈິມິນບັນລຸໝາກຜົນແທດຈິງ ”