(VOVWORLD) - ຕອນເຊົ້າວັນທີ 23 ສິງຫາ, ຢູ່ສຳນັກງານສູນກາງພັກ, ກົມການເມືອງໄດ້ຈັດການປະຊຸມໃຫ້ຄຳເຫັນກ່ຽວກັບການວາງແຜນຜັງນະຄອນ ໂຮ່ຈີມິນ ໄລຍະ 2021 - 2030, ວິໄສທັດຮອດປີ 2050.
 (ພາບ: VOV)
|
ກ່າວຄຳເຫັນສະຫລຸບ, ທ່ານເລຂາທິການໃຫຍ່ ປະທານປະເທດ ໂຕເລິມ ໃສ່ໃຈວ່າ: ການວາງແຜນຜັງຕ້ອງຫັນບັນດາແຜນນະໂຍບາຍ, ແນວທາງຂອງພັກ, ບັນດາມະຕິຂອງຄະນະບໍລິຫານງານສູນກາງພັກ, ກົມການເມືອງ, ຄະນະເລຂາປະກາດໃຊ້ໃນໄລຍະຜ່ານມາ ເປັນລະອຽດ, ໂດຍສະເພາະແມ່ນມະຕິເລກທີ 31 ຂອງກົມການເມືອງ ກ່ຽວກັບທິດທາງ, ໜ້າທີ່ພັດທະນານະຄອນ ໂຮ່ຈີມິນ ຮອດປີ 2030, ວິໄສທັດຮອດປີ 2045.
ທ່ານເລຂາທິການໃຫ່ຍ ປະທານປະເທດ ໂຕເລິມ ເນັ້ນໜັກວ່າ: ຕ້ອງຂຸດຄົ້ນເຂດໜ້າດິນ, ໜ້ານ້ຳ, ເຂດໃຕ້ດິນ, ເຂດນ່ານຟ້າຢ່າງມີປະສິດທິຜົນ; ຈັດຕັ້ງປະຕິບັດເຂດຕົວເມືອງ, ການບໍລິການ, ອຸດສາຫະກຳ, ຊົນນະບົດໃຫ້ເໝາະສົມ; ກຳນົດທິດບັນດາຮູບແບບຄົມມະນາຄົມທັນສະໄໝ, ສົມກັບໂສມໜ້າຂອງນະຄອນທົ່ວໂລກໃນອະນາຄົດ.
ກົມການເມືອງສະເໜີໃຫ້ອົງຄະນະພັກນະຄອນ ໂຮ່ຈີມິນ ສຸມໃສ່ຊີ້ນຳການສ້າງແຜນຜັງສຳເລັດໂດຍໄວ. ພາຍຫຼັງການວາງແຜນຜັງໄດ້ຮັບການອະນຸມັດຜ່ານ, ຕ້ອງຕັດສິນໃຈ, ຂ້ຽວຂາດ, ມີກົນໄກ, ນະໂຍບາຍທະລຸລ່ວງ, ຊຸກຍູ້ທຸກແຫຼ່ງກຳລັງເພື່ອຜັນຂະຫຍາຍປະຕິບັດຢ່າງມີປະສິດທິຜົນ, ກໍ່ສ້າງນະຄອນໂຮ່ຈີມິນ ສົມກັບຄວາມປາດຖະໜາຂອງສູນກາງພັກ, ກົມການເມືອງ ແລະ ປຊຊ ທົ່ວປະເທດ.