ງານວາງສະແດງວິຈິດສິນ ກ່ຽວກັບຫົວເລື່ອງການ ສ້າງສາແລະປົກປັກ ຮັກສາປະເທດຊາດ
(ພາບ: TTXVN)
(vovworld) – ງານວາງສະແດງວິຈິດສິນກ່ຽວກັບຫົວເລື່ອງກຳລັງປະກອບອາວຸດ, ສົງຄາມປະຕິວັດ, ພາລະກິດສ້າງສາ ແລະ ປົກປັກຮັກສາປະເທດຊາດ ໄດ້ຖືກໄຂຂຶ້ນໃນວັນທີ 3/11, ຊື່ງໄດ້ນຳມາວາງສະແດງຮູບແຕ້ມ, ຮູບແກະຄວັດສະຫຼັກ 200 ແຜ່ນຊື່ງໄດ້ຄັດເລືອກຈາກບັນດາບັ້ນຂົນຂວາຍວິຈິດສິນໃນທົ່ວປະເທດກ່ຽວກັບຫົວເລື່ອງດັ່ງກ່າວ. ບັນດາຮູບແຕ້ມ, ຮູບແກະຄວັດສະຫຼັກມີເນື້ອໃນເລິກເຊິ່ງ, ການສະແດງໃໝ່ອຽມ, ມີລັກສະນະພິເສດສະເພາະ, ສ່ອງແສງໃຫ້ເຫັນມູນເຊື້ອອັນສະຫງ່າລາສີຂອງກອງທັບ ປຊຊ ຫວຽດນາມ; ຍ້ອງຍໍສັນລະເສີນນ້ຳໃຈຮັກຊາດ, ກຽມພ້ອມສູ້ຮົບ, ຍອມເສຍສະຫຼະເພື່ອປົກປັກຮັກສາເອກະລາດ, ອະທິປໄຕ, ຜືນແຜ່ນດິນອັນຄົບຖ້ວນທີ່ສັກກະລະບູຊາຂອງປະເທດຊາດ, ຂອງກຳລັງປະກອບອາວຸດໃນການຕໍ່ຕ້ານຕັ້ງຕ່າງໆ, ໃນ ພາລະກິດສ້າງສາ ແລະ ປົກປັກຮັກສາປະເທດຊາດ. ຜູ້ເຂົ້າຮ່ວມງາມວາງສະແດງຫຼາຍທ່ານໄດ້ເລືອກເອົາຫົວເລື່ອງປະດິດສ້າງແມ່ນນັກຮົບໃນໄລຍະປ່ຽນໃໝ່, ຫົວເລື່ອງປົກປັກຮັກສາເຂດຊາຍແດນ ແລະ ໝູ່ເກາະທະເລ, ໄຫຼ່ທະວີບຂອງປະເທດຊາດ, ສາຍພົວພັນລະຫວ່າງທະຫານ ແລະ ປຊຊ, ນ້ຳໃຈສາມັກຄີສາກົນທີ່ສູງສົ່ງ. ງານວາງສະແດງໄດ້ປະກອບສ່ວນໂຄສະນາ, ສຶກສາອົມຮົມນ້ຳໃຈຮັກຊາດ, ຄວາມເອກອ້າງທະນົງໃຈຂອງຊາດ, ເຈດຈຳນົງສ້າງຄວາມເຂັ້ມແຂງດ້ວຍຕົນເອງຂອງຊາດ, ບົນພື້ນຖານນັ້ນເສີມຂະຫຍາຍກຳລັງແຮງສັງລວມຂອງພື້ນຖານປ້ອງກັນຊາດ ທົ່ວປວງຊົນ, ການປ້ອງກັນຄວາມສະຫງົບ ປຊຊ, ປັບປຸງນ້ຳໃຈສາມັກຄີກັບເພື່ອນມິດສາກົນ./.