(vovworld) - ວັນທີ 02/08, ຢູ່ນະຄອນຫຼວງວຽງຈັນ, ກະຊວງການຕ່າງປະເທດລາວ ໄດ້ຈັດຕັ້ງການຍ່າງເນື່ອງໃນໂອກາດສະເຫຼີມສະຫຼອງ 46 ປີແຫ່ງວັນສ້າງຕັ້ງອາຊຽນ ແລະ 16 ປີແຫ່ງວັນປະເທດລາວ ເຂົ້າເປັນສະມາຊິກຂອງອາຊຽນ ຢ່າງເປັນທາງການ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ທັງເປັນລັດຖະມົນຕີການຕ່າງປະເທດລາວ ທອງລຸນ ສີສຸລິດ ໃຫ້ຮູ້ວ່າ ພາຍຫຼັງ 46 ປີແຫ່ງວັນສ້າງຕັ້ງ, ອາຊຽນມີບົດບາດສຳຄັນຍິ່ງ ບໍ່ພຽງແຕ່ຢູ່ໃນພາກພື້ນເທົ່ານັ້ນ ຫາກຢູູ່ໃນທົ່ວໂລກອີກດ້ອຍ. ເປັນສະມາຊິກຂອງອາຊຽນ, ລາວ ໃຫ້ຄຳໝັ້ນສັນຍາຈະເຮັດຈົນສຸດຄວາມສາມາດຂອງຕົນພ້ອມກັບບັນດາປະເທດໃນກຸ່ມຜ່ານຜ່າຄວາມຫຍຸ້ງຍາກ, ສິ່ງທ້າທາຍຕ່າງໆ ເພື່ອໃຫ້ອາຊຽນ ນັບມື້ນັບເຂັ້ມແຂງ, ຮ່ວມມືຢ່າງມີປະສິດທິຜົນ ເພື່ອຈຸດໝາຍລວມຂອງສະມາຄົມ, ເພື່ອຄວາມຜາສຸກຂອງປະຊາຊົນພາຍໃນກຸ່ມ, ເພື່ອສັນຕິພາບ, ສະຖຽນລະພາບ ແລະ ການພັດທະນາໃນພາກພື້ນອາຊີຕາເວັນອອກສ່ຽງໃຕ້ ແລະ ຢູ່ໃນໂລກ.
ແລະກໍໃນວັນດຽວກັບ, ກະຊວງການຕ່າງປະເທດມາເລເຊຍ ໄດ້ຈັດພິທີຊັກທຸງອາຊຽນເພື່ອສະເຫຼີມສະຫຼອງ 46 ປີແຫ່ງວັນສ້າງຕັ້ງສະມາຄົມອາຊຽນ (08 ສິງຫາ 1976 – 08 ສິງຫາ 2013). ທີ່ພິທີ, ທ່ານຮອງລັດຖະມົນຕີການຕ່າງປະເທດມາເລເຊຍ Hamzah Zainudin ເນັ້ນໜັກເຖິງຄວາມໝາຍຂອງພິທີຊັກທຸງ ແມ່ນເພື່ອແນໃສ່ເຊີດຊູບັນດາຜົນງານ ແລະ ການພັດທະນາອັນຕັ້ງໜ້າຂອງອາຊຽນ, ຊຸກຍູ້ການຍົກສູງຄວາມຮັບຮູ້ກ່ຽວກັບອາຊຽນ ໃນມະຫາຊົນ, ພິເສດແມ່ນລຸ່ນໜຸ່ມ.