(vovworld) - ວັນທີ 30/12, ລັດເຊຍ ໄດ້ຍືນສະເໜີຮ່າງມະຕິຕໍ່ສະພາຄວາມໝັ້ນຄົງສະຫະປະຊາຊາດ ດ້ວຍເນື້ອໃນສະໜັບສະໜູນຄຳສັ່ງຢຸດຍິງ ເຊິ່ງປະເທດນີ້ເປັນຄົນກາງຢູ່ຊີຣີ, ກໍຄືການເຈລະຈາສັນຕິພາບ, ເຊິ່ງຄາດວ່າຈະດຳເນີນຢູ່ນະຄອນຫຼວງ Astana ຂອງ ກາຊັກສະຖານ.
ທ່ານເອກອັກຄະລັດຖະທູດລັດເຊຍ ປະຈຳສະຫະປະຊາຊາດ Vitaly Chrkin ສະແດງຄວາມຫວັງວ່າ, ສະພາຄວາມໝັ້ນຄົງສະຫະປະຊາຊາດ ຈະລົງປະຊາມະຕິຮັບຮອງເອົາຮ່າງມະຕິດັ່ງກ່າວ. ປະຈຸບັນ, ສະພາຄວາມໝັ້ນຄົງສະຫະປະຊາຊາດ ເລີ່ມປຶກສາຫາລືລັບກ່ຽວກັບເອກະສານດັ່ງກ່າວ.
ຂໍ້ຕົກລົງຢຸດຍິງຢູ່ຊີຣີ ເລີ່ມມີຜົນສັກສິດໃນກາງຄືນວັນທີ 29/12, ແຕ່ວ່າ ຍັງເກີດບັນດາການປະທະກັນຢູ່ບາງແຫ່ງ.