ກອງປະຊຸມຄັ້ງທີ 29 ຂອງຄະນະປະຈຳສະພາແຫ່ງຊາດ ຫວຽດນາມ (ພາບ: QH)

ກອງປະຊຸມຈະດຳເນີນເປັນເວລາ 1 ວັນ, ຄະນະປະຈຳສະພາແຫ່ງຊາດຈະພິຈາລະນາ, ໃຫ້ຄຳເຫັນກ່ຽວກັບບັນດາບັນຫາທີ່ຍັງມີຄຳຄິດເຫັນແຕກຕ່າງກັນຂອງຮ່າງກົດໝາຍວ່າດ້ວຍການດຳເນີນຄະດີອາຍາ (ສະບັບປັບປຸງ); ພິຈາລະນາ, ຕັດສິນເລື່ອງແຕ່ງຕັ້ງກຳມະການສະພາຄັດເລືອກ, ຕິດຕາມກວດກາຜູ້ພິພາກສາແຫ່ງຊາດ. ຄະນະປະຈຳສະພາແຫ່ງຊາດກໍ່ພິຈາລະນາ, ຕັດສິນເລື່ອງດັດປັບເຂດແດນປົກຄອງ 2 ຕາແສງຢູ່ແຂວງ ດົ່ງທ໊າບ; ເລື່ອງໂຮມຫົວໜ່ວຍບໍລິຫານຂັ້ນຕາແສງເຂົ້າກັນ, ສ້າງຕັ້ງບັນດາເມືອງ ແລະ ນະຄອນ ຈີ໋ລິງ ຂຶ້ນກັບແຂວງ ຫາຍເຢືອງ.