ສ້າງສາຫວຽດນາມກາຍເປັນສັງຄົມແຫ່ງປອງດອງ,ມີຫົວຄິດປະດິດສ້າງ,ໝັ້ນຄົງ
ທ່ານຮອງນາຍົກລັດຖະມົນຕີ ຫວູດຶກດາມ
(ພາບ: VGP/Minh Khôi)
(vovworld) – ສ້າງສາຫວຽດນາມກາຍເປັນສັງຄົມແຫ່ງປອງດອງ,ມີຫົວຄິດປະດິດສ້າງ,ໝັ້ນຄົງ - ນີ້ແມ່ນຄຳຢັ້ງຢືນຂອງທ່ານຮອງນາຍົກລັດຖະມົນຕີ ຫວູດຶກດາມ ທີ່ກອງປະຊຸມສຳມະນາແຫ່ງຊາດກ່ຽວກັບການສ້າງສັງຄົມຮຳ່ຮຽນ “ຈາກວິໄສທັດຕະຫຼອດຮອດການກະທຳ” ໂດຍຄະນະຊີ້ນຳແຫ່ງຊາດກ່ຽວກັບການສ້າງສັງຄົມຮຳ່ຮຽນສົມທົບກັບຫ້ອງວ່າການສະຫະປະຊາຊາດ UNESCO ປະຈຳ ຫວຽດນາມ ຈັດຕັ້ງໃນຕອນເຊົ້າວັນທີ 17/12, ຢູ່ ຮາໂນ້ຍ.
ທ່ານຮອງນາຍົກລັດຖະມົນຕີ ຫວູດຶກດາມ ຖືວ່າ: ການສ້າງສັງຄົມຮຳ່ຮຽນຍັງຕ້ອງຮັບປະກັນຄວາມສາມາດຮັບມື, ພ້ອມທັງອະນຸຍາດໃຫ້ພົນລະເມືອງທຸກໆຄົນໄດ້ເຂົ້າຮ່ວມ ແລະ ໄດ້ຮັບຜົນປະໂຫຍດຈາກການຮຳ່ຮຽນ. ໃນສັງຄົມຮຳ່ຮຽນປອງດອງ, ບັນດາບຸກຄົນໄດ້ຮັບການຮຳ່ຮຽນຜ່ານຫຼາຍກາລະໂອກາດອື່ນໆ ເພືື່ອຍົກສູງສະຕິຄວາມຮັບຮູ້, ລະດັບຄວາມຮູ້, ທັດສະກໍ່ຄືການເຮັດວຽກຕາມໜ່ວຍ... ທ່ານຮອງນາຍົກລັດຖະມົນຕີ ຫວູດຶກດາມ ຖືວ່າ:
“ພວກເຮົາສ້າງສັງຄົມຮຳ່ຮຽນໃຫ້ທຸກໆຄົນແຕ່ຕ້ອງເໝາະສົມກັບແຕ່ລະເປົ້າໝາຍ ແລະ ເໝາະສົມກັບທັດສະນະຂອງພັກ. ລັດ ເອົາໃຈໃສ່ເປັນພິເສດເຖິງຜູ້ປະສົບກັບຄວາມຫຍຸ້ງຍາກ, ໃນນັ້ນເປັນຕົ້ນແມ່ນແມ່ຍິງ, ຊາວເຜົ່າສ່ວນໜ້ອຍ, ບັນດາເຂດຖືກໄພນ້ຳຖ້ວມເປັນປະຈຳ. ຂ້າພະເຈົ້າຄິດວ່າ, ພວກເຮົາຊອກຫາບັນຫາມາດຕະການເພື່ອສ້າງສັງຄົມຮຳ່ຮຽນແຕ່ຕ້ອງປຸກລະດົມການປະດິດສ້າງ, ຄົ້ນພົບສິ່ງທີ່ບໍ່ເໝາະສົມເພື່ອປ່ຽນແປງ, ຮັບໃຊ້ພາລະກິດພັດທະນາຂອງ ຫວຽດນາມ”.